ਕੋਹਲੀ-ਪੇਨ ਵਿਚਾਲੇ ਬਹਿਸ ਦਾਇਰੇ ਚ ਸੀ ਹਸੀ

ਮੈਲਬੋਰਨ- ਸਾਬਕਾ ਆਸਟਰੇਲੀਆਈ ਬੱਲੇਬਾਜ਼ ਮਾਈਕਲ ਹਸੀ ਨੇ ਭਾਵੇਂ ਹੀ ਮੌਜੂਦਾ ਟੈਸਟ ਲੜੀ ਦੌਰਾਨ ਵਿਰਾਟ ਕੋਹਲੀ ਦੇ ਜਸ਼ਨ ਮਨਾਉਣ ਦੇ ਤਰੀਕੇ ਦੀ ਆਲੋਚਨਾ ਕੀਤੀ ਹੋਵੇ ਪਰ ਉਸ ਦਾ ਮੰਨਣਾ ਹੈ ਕਿ ਭਾਰਤੀ ਕਪਤਾਨ ਤੇ ਉਸ ਦੇ ਹਮਅਹੁਦਾ ਟਿਮ ਪੇਨ ਨੇ ਬਹਿਸ ਦੌਰਾਨ ਦਾਇਰਾ ਨਹੀਂ ਪਾਰ ਕੀਤਾ। ਪਰਥ ‘ਚ ਦੂਜੇ ਟੈਸਟ ਮੈਚ ਦੌਰਾਨ ਆਸਟਰੇਲੀਆਈ ਵਿਕਟ ਡਿਗਣ ‘ਤੇ ਕੋਹਲੀ ਦੇ ਜਸ਼ਨ ਮਨਾਉਣ ਦੇ ਤਰੀਕੇ ‘ਤੇ ਹਸੀ ਨੇ ਕਿਹਾ ਸੀ ਕਿ ਭਾਰਤੀ ਕਪਤਾਨ ਕੰਟੋਰਲ ਤੋਂ ਬਾਹਰ ਹੈ ਪਰ ਉਸੇ ਟੈਸਟ ਮੈਚ ਵਿਚ ਕੋਹਲੀ ਤੇ ਪੇਨ ਵਿਚਾਲੇ ਬਹਿਸ ਬਾਰੇ ਹਸੀ ਨੇ ਕਿਹਾ, ”ਇਹ ਦਾਇਰੇ ਤੋਂ ਬਾਹਰ ਨਹੀਂ ਗਈ। ਉਹ ਹਮਲਾਵਰ ਨਹੀਂ ਸਨ। ਉਨ੍ਹਾਂ ਨੇ ਇਤਰਾਜ਼ਯੋਗ ਸ਼ਬਦਾਂ ਦਾ ਇਸਤੇਮਾਲ ਨਹੀਂ ਕੀਤਾ। ਇਹ ਸਖਤ ਲੜੀ ਹੈ ਤੇ ਤੁਸੀਂ ਕੁਝ ਅਲੱਗ ਤਰ੍ਹਾਂ ਦੀਆਂ ਗੱਲਾਂ ਸੁਣਨ ਦੀ ਉਮੀਦ ਰੱਖਦੇ ਹੋ।