ਟਰੰਪ ਦੇ ਸਾਬਕਾ ਸਲਾਹਕਾਰ ਨੂੰ 14 ਦਿਨਾਂ ਦੀ ਕੈਦ ਤੇ 9500 ਡਾਲਰ ਜੁਰਮਾਨਾ

ਵਾਸ਼ਿੰਗਟਨ – ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਸਾਬਕਾ ਸਲਾਹਕਾਰ ਨੂੰ ਐੱਫ. ਬੀ. ਅਾਈ. ਕੋਲ ਝੂਠ ਬੋਲਣ ਦੇ ਮਾਮਲੇ ’ਚ ਸ਼ੁੱਕਰਵਾਰ ਕੈਦ ਦੀ ਸਜ਼ਾ ਸੁਣਾਈ ਗਈ। ਉਨ੍ਹਾਂ ਦੇ ਰੂਸ ਨਾਲ ਸੰਪਰਕ ਕਾਰਨ ਹੀ ਮਾਸਕੋ ਨਾਲ ਸੰਭਾਵਿਤ ਗੰਢਤੁੱਪ ਦੀ ਜਾਂਚ ਸ਼ੁਰੂ ਕੀਤੀ ਗਈ ਸੀ। ਇਕ ਅਮਰੀਕੀ ਜ਼ਿਲਾ ਜੱਜ ਨੂੰ ਵਿਦੇਸ਼ੀ ਨੀਤੀ ਸਹਾਇਕ ਜਾਰਜ ਪਾਪਾਡੋਪੌਲੋਸ ਨੂੰ 14 ਦਿਨ ਦੀ ਸਜ਼ਾ ਸੁਣਾਉਂਦਿਅਾਂ ਕਿਹਾ ਕਿ ਉਨ੍ਹਾਂ ਨੇ ਇਕ ਅਜਿਹੀ ਜਾਂਚ ਨੂੰ ਲੈ ਕੇ ਝੂਠ ਬੋਲਿਅਾ ਜੋ ਦੇਸ਼ ਦੀ ਸੁਰੱਖਿਅਾ ਲਈ ਅਹਿਮ ਹੈ। ਦੋਸ਼ੀ ਨੇ ਵਾਸ਼ਿੰਗਟਨ ਦੀ ਅਦਾਲਤ ’ਚ ਕਿਹਾ, ‘‘ਜਨਵਰੀ 2017 ’ਚ ਮੈਂ ਇਕ ਗਲਤੀ ਕੀਤੀ ਸੀ ਜਿਸ ਲਈ ਮੈਂ ਸ਼ਰਮਿੰਦਾ ਹਾਂ’’। ਸੰਘੀ ਅਦਾਲਤ ਨੇ ਉਸ ਦੇ ਪਛਤਾਵੇ ’ਤੇ ਵਿਚਾਰ ਕਰਦੇ ਹੋਏ ਦੋਸ਼ੀ ਨੂੰ ਹਲਕੀ ਸਜ਼ਾ ਦਿੱਤੀ ਜਿਸ ਵਿਚ 9500 ਅਮਰੀਕੀ ਡਾਲਰ ਜੁਰਮਾਨਾ, ਇਕ ਸਾਲ ਪੈਰੋਲ ਅਤੇ ਕਮਿਊਨਿਟੀ ਸੇਵਾ ਸ਼ਾਮਲ ਹੈ।