ਪ੍ਰੋ ਕਬੱਡੀ ਲੀਗ : ਗੁਜਰਾਤ ਨੇ ਹਰਿਆਣਾ ਨੂੰ 40-31 ਨਾਲ ਹਰਾਇਆ

ਨਵੀਂ ਦਿੱਲੀ – ਰੇਡਰ ਸਚਿਨ ਦੇ 10 ਅੰਕ ਦੀ ਮਦਦ ਨਾਲ ਗੁਜਰਾਤ ਫਾਰਚਿਊਨ ਜਾਇੰਟਸ ਨੇ ਪ੍ਰੋ ਕਬੱਡੀ ਲੀਗ ਦੇ 6ਵੇਂ ਸੀਜ਼ਨ ‘ਚ ਵੀਰਵਾਰ ਨੂੰ ਇੱਥੇ ਹਰਿਆਣਾ ਸਟੀਲਰਸ ਨੂੰ 40-31 ਨਾਲ ਹਰਾਇਆ। ਗੁਜਰਾਤ ਦੇ ਸਚਿਨ ਨੇ ਇਸ ਮੌਜੂਦਾ ਸੈਸ਼ਨ ‘ਚ 100 ਅੰਕ ਹਾਸਲ ਕੀਤੇ। ਸਚਿਨ ਤੋਂ ਇਲਾਵਾ ਡਿਫੇਂਡਰ ਪ੍ਰਵੇਸ਼ ਬੈਂਸਵਾਲ ਨੇ 6 ਟੈਕਲ ਅੰਕ ਹਾਸਲ ਕਰ ਟੀਮ ਦੀ ਜਿੱਤ ਨੂੰ ਪੱਕਾ ਕਰ ਦਿੱਤਾ। ਹਰਿਆਣਾ ਦੀ ਟੀਮ ਦੇ ਲਈ ਮੋਨੂੰ ਗੋਇਲ ਨੇ 10 ਅੰਕ ਹਾਸਲ ਤਾਂ ਕੀਤੇ ਪਰ ਟੀਮ ਦੇ ਬਾਕੀ ਖਿਡਾਰੀਆਂ ਨੇ ਉਸਦਾ ਵਧੀਆ ਸਾਥ ਨਹੀਂ ਦਿੱਤਾ। ਇਸ ਜਿੱਤ ਦੇ ਨਾਲ ਗੁਜਰਾਤ ਗਰੁੱਪ ‘ਏ’ ‘ਚ 14 ਮੈਚਾਂ ‘ਚ 58 ਅੰਕ ਦੇ ਨਾਲ ਚੋਟੀ ‘ਤੇ ਹੈ, ਜਦਕਿ ਹਰਿਆਣਾ 14 ਮੈਚਾਂ ‘ਚ 26 ਅੰਕਾਂ ਦੇ ਨਾਲ 5ਵੇਂ ਸਥਾਨ ‘ਤੇ ਹੈ।