ਮੈਸੀ ਦੀ ਫ੍ਰੀ ਕਿੱਕ ਦਾ ਜਾਦੂ ਚੱਲਿਆ

ਮੈਡਰਿਡ – ਲਿਓਨਲ ਮੈਸੀ ਨੇ ਫ੍ਰੀ ਕਿੱਕ ਉੱਤੇ ਗੋਲ ਕਰਨ ਦੀ ਆਪਣੀ ਮੁਹਾਰਤ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਦੋ ਗੋਲ ਦਾਗੇ ਜਿਸ ਨਾਲ ਬਾਰਸੀਲੋਨਾ ਨੇ ਲਾ ਲੀਗਾ ਫੁੱਟਬਾਲ ਚੈਂਪੀਅਨਸ਼ਿਪ ਵਿਚ ਐਸਪੇਨਿਓਲ ਨੂੰ 4-0 ਨਾਲ ਹਰਾ ਦਿੱਤਾ। ਮੈਸੀ ਨੇ ਆਪਣੇ ਦੋਵੇਂ ਗੋਲ ਫ੍ਰੀ ਕਿੱਕ ਦੇ ਨਾਲ ਕੀਤੇ ਅਤੇ ਬਾਰਸੀਲੋਨਾ ਨੂੰ ਸਿਖ਼ਰ ਉੱਤੇ ਬਣਾਈ ਰੱਖਿਆ। ਮੈਸੀ ਨੇ ਦੋ ਗੋਲ ਕਰਨ ਤੋਂ ਇਲਾਵਾ ਇੱਕ ਗੋਲ ਕਰਨ ਵਿਚ ਮੱਦਦ ਵੀ ਕੀਤੀ। ਬਾਰਸੀਲੋਨਾ ਨੇ ਹੁਣ 15 ਮੈਚਾਂ ਵਿਚ 31 ਅੰਕ ਹਨ। ਐਟਲੇਟੀਕੋ ਮੈਡਰਿਡ ਅਤੇ ਸੇਵਿਲਾ ਦੇ ਬਰਾਬਰ 28 ਅੰਕ ਹਨ। ਐਟਲੇਟੀਕੋ ਨੇ ਅਲਵੇਸ ਨੂੰ 3-0 ਨਾਲ ਹਰਾਇਆ ਜਦੋਂ ਕਿ ਸੇਵਿਲਾ ਨੇ ਵੈਲੇਂਸੀਆ ਨੂੰ 1-1 ਨਾਲ ਡਰਾਅ ਉੱਤੇ ਰੋਕਿਆ।