ਸ਼੍ਰੀਲੰਕਾ ਨੇ ਏਸ਼ੀਆ ਕੱਪ ਲਈ ਮਲਿੰਗਾ ਨੂੰ ਟੀਮ ‘ਚ ਕੀਤਾ ਸ਼ਾਮਲ

ਕੋਲੰਬੋਂ – ਸ਼੍ਰੀਲੰਕਾ ਕ੍ਰਿਕਟ ਟੀਮ ਦੇ ਆਗਾਮੀ ਏਸ਼ੀਆ ਕੱਪ ਕ੍ਰਿਕਟ ਲੜੀ ਲਈ ਤੇਜ਼ ਗੇਂਦਬਾਜ਼ ਲਸਿਥ ਮਲਿੰਗਾ ਨੂੰ 16 ਮੈਂਬਰੀ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ। ਵਾਰ-ਵਾਰ ਸੱਟ ਲੱਗਣ ਕਾਰਨ 35 ਸਾਲ ਦੇ ਇਸ ਗੇਂਦਬਾਜ਼ ਦੀ ਲਗਭਗ ਇਕ ਸਾਲ ਤੋਂ ਬਾਅਦ ਰਾਸ਼ਟਰੀ ਟੀਮ ‘ਚ ਵਾਪਸੀ ਹੋ ਰਹੀ ਹੈ। ਉਨ੍ਹਾਂ ਨੇ ਪਿਛਲੇ ਸਾਲ ਸਤੰਬਰ ‘ਚ ਭਾਰਤ ਖਿਲਾਫ ਆਪਣਾ ਪਿਛਲਾ ਵਨ ਡੇ ਮੈਚ ਖੇਡਿਆ ਸੀ। ਇਸ ਮੈਚ ‘ਚ ਉਨ੍ਹਾਂ ਨੇ 35 ਦੌੜਾਂ ‘ਤੇ ਇਕ ਵਿਕਟ ਹਾਸਲ ਕੀਤਾ ਸੀ। ਮਲਿੰਗਾ ਦੇ ਨਾਂ ਵਨ ਡੇ ‘ਚ 301 ਤੇ ਟੀ-20 ਅੰਤਰਰਾਸ਼ਟਰੀ ‘ਚ 90 ਵਿਕਟਾਂ ਹਨ।
ਟੀਮ – ਏਂਜੇਲੋ ਮੈਥਿਊ (ਕਪਤਾਨ), ਕੁਸਲ ਪਰੇਰਾ, ਕੁਸਲ ਮੇਂਡਿਸ, ਉਪੁਲ ਥਰੰਗਾ, ਦਿਨੇਸ਼ ਚਾਂਦੀਮਲ, ਧਨੁਸ਼ਕਾ ਗੁਣਾਥਿਲਕਾ, ਥਿਸਾਰਾ ਪਰੇਰਾ, ਦਾਸੁਨ ਸ਼ਨਾਕਾ, ਧਨੰਜਏ ਡਿ ਸਿਲਵਾ, ਅਕਿਲਾ ਧਨੰਜਏ, ਦਿਲਰੂਵਾਨ ਪਰੇਰਾ, ਅਮਿਲਾ ਅਪੋਂਸੋ, ਕਾਸੁਨ ਰਜਿਤਾ, ਸੁਰੰਗ ਲਕਮਲ, ਚਮੀਰਾ ਤੇ ਲਸਿਥ ਮਲਿੰਗਾ।