ਦੀਪਕ ਦੇ ਤੂਫਾਨੀ ਖੇਡ ਨਾਲ ਜੈਪੁਰ ਨੇ ਲਗਾਈ ਜਿੱਤ ਦੀ ਹ੍ਰੈਟਿਕ

ਰੇਡਰ ਦੀਪਕ ਹੁੱਡਾ ਦੇ ਤੂਫਾਨੀ ਪ੍ਰਦਰਸ਼ਨ ਨਾਲ ਜੈਪੁਰ ਪਿੰਕ ਪੈਂਥਰਸ ਨੇ ਹਰਿਆਣਾ ਸਟੀਲਰਸ ਨੂੰ ਪ੍ਰੋ ਕਬੱਡੀ ਲੀਗ ‘ਚ ਬੁੱਧਵਾਰ 37-21 ਨਾਲ ਹਰਾਇਆ ਤੇ ਟੂਰਨਾਮੈਂਟ ‘ਚ ਜਿੱਤ ਦੀ ਹ੍ਰੈਟਿਕ ਪੂਰੀ ਕੀਤੀ ਨਾਲ ਹੀ ਚੋਟੀ ਦਾ ਸਥਾਨ ਹਾਸਲ ਕੀਤਾ। ਜੈਪੁਰ ਦੀ ਜਿੱਤ ਦੇ ਸਟਾਰ ਦੀਪਕ ਜਿਸ ਨੇ 23 ਰੇਡ ਨਾਲ 14 ਅੰਕ ਹਾਸਲ ਕੀਤੇ। ਜੈਪੁਰ ਦੇ ਸੰਦੀਪ ਧੁਲ ਨੇ ਡਿਫੇਂਸ ‘ਚ 9 ਟੈਕਲ ਨਾਲ 6 ਅੰਕ ਹਾਸਲ ਕੀਤੇ। ਹਰਿਆਣਾ ਵਲੋਂ ਵਿਨੈ ਨੇ ਰੇਡ ਨਾਲ 6 ਤੇ ਸੁਨੀਲ ਨੇ ਡਿਫੇਂਸ ਨਾਲ 6 ਅੰਕ ਹਾਸਲ ਕੀਤੇ। ਜੈਪੁਰ ਦੀ ਇਹ ਲਗਾਤਾਰ ਤੀਜੀ ਜਿੱਤ ਹੈ ਤੇ ਉਸਨੇ 15 ਅੰਕਾਂ ਦੇ ਨਾਲ ਸੂਚੀ ‘ਚ ਚੋਟੀ ਦਾ ਸਥਾਨ ਹਾਸਲ ਕਰ ਲਿਆ ਹੈ। ਦਬੰਗ ਦਿੱਲੀ ਦੇ ਵੀ 15 ਅੰਕ ਹਨ ਪਰ ਅੰਕਾਂ ਦੇ ਅੰਤਰ ਦੇ ਮਾਮਲੇ ‘ਚ ਜੈਪੁਰ ਦੀ ਮਜ਼ਬੂਤ ਸਥਿਤੀ ਹੈ। ਦੂਜੇ ਪਾਸੇ ਹਰਿਆਣਾ ਨੂੰ ਤਿੰਨ ਮੈਚਾਂ ‘ਚ ਦੂਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਤੇ ਉਹ ਪੰਜ ਅੰਕਾਂ ਦੇ ਨਾਲ 9ਵੇਂ ਸਥਾਨ ‘ਤੇ ਹੈ। ਜੈਪੁਰ ਨੇ ਰੇਡ ਨਾਲ 17 ਤੇ ਡਿਫੇਂਸ ਨਾਲ 14 ਹਾਸਲ ਕੀਤੇ।